Мектебім - мейірім мекені

Алғашқы қоңырау салтанатты жиыны өтті
Мектеп, мектеп – менің жарқын көңілім,
Мектеп, мектеп – шаттыққа толы өмірім.
Мектеп, мектеп, әнім болып төгілдің
Мектеп, мектеп, анам болып көріндің.

Мектебімізде 1 Қыркүйек - Білім күніне орай «Мектебім - мейірім мекені» тақырыбында салтанатты жиыны өтті. Салтанатты жиында ҚР Мемлекеттік Гимні орындалып, Туы көтерілді. Шараға Құрманғазы аудандық білім бөлімінің әдіскері Атметжанова Айгүл Төлегенқызы, Дыңғызыл ауылдық округі әкімдігінің бас маманы Абуева Жанаргуль Даулетқалиқызы, «Құрманғазы» өндірістік кооперативінің басқарма төрағасы Сабыржан Қыдырсихұлы, Қамқоршылық кеңестің төрайымы Алтын Қанатбайқызы, Дыңғызыл мәдениет үйінің меңгерушісі Гулшат Сүйіндікқызы, «Айжан» балабақшасының меңгерушісі Жанар Закарияқызы және ардагер ұстаздар мен ата-аналар қатысты. Алғашқы құттықтау сөз кезегі мектеп директоры Гүлжан Медетқызына беріліп, сөз барысында ардагер ұстаздар мен мектеп мұғалімдері және техникалық қызметкерлер түрлі мадақтармен марапатталды. Шара барысында мектеп табалдырығын алғаш аттағалы отырған 1 сынып оқушылар өз арнауларын арнап, 11 сынып оқушылары бүлдіршіндерге "Әліппе" кітабын табыстады. Шара соңында балаларын алғаш мектепке әкеліп отырған ата-аналар атынан Гулнар Салахиденқызы мен Дархан Сансызбайұлы сөз сөйлеп, мектеп ұжымына жаңа оқу жылына сәттілік тілеп, бүлдіршіндерді алғашқы қадамдарымен құттықтады. Биылғы оқу жылында мектебімізде 32 бүлдіршін мектеп табалдырығын аттап, 1 сыныпқа қадам басты. Алғашқы ұстаздары: Увашева Арнагул Бақтыгерейқызы және Жұмабаева Лена Оханқызы.

Жаңа оқу жылында барша мектеп ұжымына денсаулық, амандық, шығармашылық табыстар тілейміз. Білім берген шәкірттеріміз биіктен көрініп, мерейіміз асқақтай берсін!

#біртұтас_тәрбие_атырау
#біртұтас_тәрбие_atyrau
#atyrau_tarbie
#kurm_біртұтас_тәрбие
#Kurmtarbie2024